إحنا كل واحد منا أفراد كتير فى نفس الوقت إحنا إخوات لاخواتنا وولاد لأباءنا وشباب ومصريين وبنات أو أولاد وطلبة أو بنشتغل ولينا دور مختلف وطريقة مختلفة وكلام مختلف فى كل مكان وزمان
وعشان كدة إحنا ده صوت بيعبرعن أى حاجة هوه فرد فيها وحرف فى كلمة أو جمله بيكملها جيلنا لبعض
أنا من جيل الشباب وأنا من ضمن البنات ومسلمة من المسلمين ومصرية بحب مصر اللى بجد اللى من غير الغبار اللى عمينا عنها وعربية ما بنساش عروبتى أبدا كنت طالبة وصحابى كلهم طلبة وخريجة وحاسه بيهم جداً وإخوانية حتى النخاع والإخوان دول اختيارى الأول واعجابى الأعمق وبنت أخ من الإخوان واسكندرانية أوى
وإحنا ده اسم ليه مش لناس كتير لكن زى ما قلت أنا كل دول فى بعض وأى حاجه منها تهمنى وكلامى بيعبر عنهم كفرد منهم بس ولكن كلامى مش بيعبر عن أى حد غيرى
هناك ٦ تعليقات:
جميل
بداية كويسة جدا
أحييكي
أتمنى لك التوفيق
كل سنة و انتي طيبة
و سلام
الف الف مبرووووك يا جوجو على مدونتك
ربنا يبارك فيكى وينفع بيكى وبيها
وكل سنة وانتى طيبة
وكل سنة وانتى فرحانة ومعيدة وواخدة عيدية كبييييرة
وكل سنة و "احنا" طيبين
اهلا بيكي يا قمر في عالم التدوين
ربنا يكرمك يا جهاد وتقدري توصي اللي انت عايزاه
كلامك جميل استمري في التميز
انا هضيفك للينك ليست بتاعي
باذن الله فيه مؤتمر للتعذيب في نادي لمحامين يوم الخميس القادم باذن الله هنشوفك هناك واكيد عمو صبحي صالح هيبقي موجود
هستني زياراتك الدائمه
احبك في الله
اهلا ياجوجو
خلاص بسيطة كدا عرفتك
سلميلي علي باباكي كتيييييييييير موت موت
وقليله شكرا علي البسكوت
وان شاء الله نتقابل قريب
مبروك يا جوجو على المدونة
وعلى فكرة انا اداب علم نفس
يا أهلا يا أهلا
أنا مبسوطه جدا بيكم
وأنا فى الخدمه يا سمسمه
إرسال تعليق