نفسى أدون

موضوعات كتير وكلام كبير وحكايات وحواديت
بس مش فاضيه خااااااااالص
أصل أنا حققت حلمى ربنا يدمها عليا نعمة يا رب
اشتغلت فى مستشفى أمراض نفسيه وعقليه وإدمان
وعندى حكايات نفسى أكتبها وأحكيها
بس ألاقى وقت لحظات زى ديه
دعواتكم

العجز

العجز هو شعور قاسى جدا لابد وأنك شعرت به ولو مره
شعور بأن اليدين مكتوفتان والأرجل متجمدتان واللسان معقود والدموع متجمده
ماذا أفعل؟؟؟؟؟
وأنا أسمع كل يوم مآسى... ....خارجية كانت أم داخلية
مأساة بغزه ...كل يوم قتل وذبح وسحل وتعذيب ووحشيه ودماء وأشلاء
لا طعام ولا شراب ولا كهرباء ولا مشافى ولا دواء ولا نور ولا وقود ولا حتى أكفان ولا قبور
كما كل يوم اعتقالات من بيننا॥ من نعرفه ومن لست أعرفه أسماء كل يوم أعداد كل فجر
أساتذتى وأباء أصدقائى وأناس كانو بيننا هنا كنا نسير وهنا زارونا وهنا جلسوا ليس من بعيد من أيام فقط لازال حديثهم فى أذنى ولا أستطيع النظر إلى عيون بناتهم ولا الحديث معهم وكيف ؟كيف أخفف عنهم وأنا ثقيلة بالأحزان وكيف أواسيهم والألم يعتصرنى كيف؟ كيف ؟ إنه العجز
عجز عن المساعده
عجز عن المواساه
عجز عن الاعتراض
عجز عن التظاهر
عجز عن الكلام
عجز عن البكاء
عجز ...........

اسكندرية الأولى والأفضل

باتت غزة فى الظلام ليلتين ولكن من بات فى الظلام كل ليلة؟
ربما ظلام انقطاع الكهرباء ليلة ولكن ظلام الظلم فى الدنيا والإخرة
هم يبيتون وضمائرهم هادئه أما أنتم؟!
هم لا يخشون الموت فهو بين يديهم ومن خلفهم كما أن آخرتهم ربما تكون خير
أما أنتم ؟!
فمن المحاصر إذا؟!
الظلم ظلمات يوم القيامة
عندما قمنا وليس بيدنا سوى الدعاء ثم الوقوف ولكن ربما يكون مجرد التفكير تهمة
فبمجرد إظلام غزه حتى قامت قوات أمن الاسكندرية باعتقال 28من الإخوان بها
وبعد يوم اعتقال محاميهم و25 آخرين
ثم قام آلاف من الاسكندرية بالوقوف الوقوف فقط أمام سراى الحقانية حتى حاصرتهم القوات بالآلاف واعتقل 17منهم
فوقتها علمت كل العلم وزاد تأكدى أن قوات أمن الاسكندريه فى منافسة مع نفسها
ولذا علينا جميعا التصفيق الحاد لها
أنتم رمز الرموز وأقوى الأقوياء وبطل الأبطال وأظلم الظالمين وأهود أكثر من اليهود أنفسهم !!!!!!!!
لا يؤثر فيهم مقام وكرامة ولا إنسانية ولا رحمة ولا آدمية ولا رجولة ولا دين ولا ملة
مع العلم أن الدكتور إبراهيم الزعفرانى قد قررت له عملية قسطرة فى القلب غدا الخميس وهو معتقل منذ ثلاث أيام
ولا حاجة لأن نصف كيف حال الزنزانة التى يقبع خلفها هو ورفاقة
فحينها تعلم أن أمن الاسكندرية أفضل أمن فى العالم فهى الأولى والأفضل!!!!!
والأمن المصرى حينما بذل الغالى والرخيص كى يمنع النساء الفلسطينيات من دخول مصر لعلاج جرحاهم
فنحن الأسبق فاخجلوا .............

دقدق حلال المشاكل

يا واد يا دقدق يا مدقدق مالك كده زعلان

يلا قوم واصحى وفوق ده الواحد حيران

قالولى اسألو دقدق ده وحده الفهمان

عارف ليه كل مواطن فى بلدنا جعان؟

ليه كل موظف على مكتب كسلان؟

ليه الناس فى الشارع مش زى زمان؟

وتلاقى الواحد ماشى شحات غلبان؟

تعطف أو تديه لقمة يقول لأ ده أنا شبعاااان

وببيع العيش فى حارتنا كمان!!!

وابنى ضنايا نقاش أقصد فنان

خريج من طب الأسنان

وابنى التانى عيان

وعلاجه يوماتى بالمجان!!

دول خصخصوا شركة شعبان

ده جارى يا عينى الشقيان

ودستور معووج عدلوه!!ما فضلش غير بيت شعلان

وأخويا كلمنى فى التليفون يحكيلى عن بنته إيمان

وقال وياريته ما قال ده وكيلى ربى ودستورى القرآن

أخدوه ومرجعش من ليلة النصف من شعبان

وأدى عدت سنة والتانية وأهوه جه رمضان

وبناته وجماعته ما لهومش غير واد فلتان

طولت عليك معلش بس ده كلام مليان

ولا إيه ؟إيه ده؟ دقدق نايم نعسان

لأه ده باينه !!!! ميت غرقان

يارب حد يعرف يقرا حاجه لها قراءه خاصة

مش محتاجه أقول :تأليفى مفيش حد بيكتب بالشكل ده طبعا ولو فيه ما كنتش هفكرك آخد ده أصلا

مدمنة

هل صحيح أنا مدمنة؟
لا أصدق أنى أصبحت مدمنة؟
لاطالما قاومت... حاربت
هذه مفاجأه بل فاجعة

أنا مدمنة
نعم مدمنة مدونات

أدور بين المدونات أكثر مما أدون

يعجبنى أسلوب المدونين وليس دائما لدى تعليق

لا يسعنى أن أسجل المدونات التى تعجبنى كى تعلموها لكنها غالبا تعجبكم

الإخوانية..والحرة..السكندرية..الشبابية .."البناتية."..

رسومى أريد آرائكم

ستجد هذه الرسوم مثل كل شئ متناقضه حيث الرأى والذى دائما معارض والحقيقة الداخلية التى تعبر عن كل جميل

قد يكون هذا الكلام غير مفهوم ولكنه عندما جاءت على صفحات ذهنى كتبته ربما من مبدأ الفنون جنون

وستزول السحابة السوداء

ألم الصحافة

سجناء الرأى.........

حرة.. حرة

رسوم لمجرد الفن وهناك أخرى بمقاسات كبيرة لم أتمكن من تنزيلها

أنتظر التعليقات والآراء

كان نفسى

كان نفسى حد يسأل عليه أو فيه لما بقالى مدة ما دخلتش أصلا على النت ولا عملت بوستات من زمان

كان نفسى أكتب فى كذا موضوع جم على بالى فى الفترة اللى فاتت

كان نفسى أتأكد هوه فيه حاجة حصلت فى المدونة أو باظت أو أى حاجة ولا لأ

كان نفسى...................!!!و